Xuño 22, 2008 a 6:54 pm (Xeral)
Vale, vale, que siiii; que San Xoán é o martes que ven peeero en Pantín como imos por libre celebrámolo cando nos parece, e por iso, este sábado 21 de xuño foi a sardiñada da AVV.
Houbo luminaria, sardiñas, e ata auga de flores tiñamos. Vaia, que non faltou detalle para celebrar un San Xoán en toda regla. Velahí un vídeo resumo do asunto:
Xuño 18, 2008 a 2:30 pm (Cousas miñas ...)
Buff inda non me recuperei. O luns fun a Lugo na procura de material para traballar e pateei tanto que onte non me daba movido. Tiña os brazos e as pernas coma se fosen de pau. Ainda ando medio chunga hoxe pero non me queda mais remedio que traballar, porque vou contrareloxo asi que as poucas fotos que tirei por ali vounas colgar noutro momento que non dou feito. Case estiven por colgarlle ó blog o cartel de “Cerrado por vacacións” (que vacacións mais ben non, que me dera! senon traballo a esgalla jaja) pero penso que malo será que algún día non saque tempo para pasarme por aqui. Ademais, ¿Íame resistir a comentar algo sobre o Mundo Celta? Sei que non jaja.
Bueno me parece que este sábado hai sardiñada (ou algo asi porque con isto das folgas non sei se habera sardiñas ou que) en Pantín. Non sei se poderei ir, heino intentar, pero avisados quedan os que non o saiban.
Por outra banda achegase a rapa na Capelada. Os dias 27, 28 e 29 de xuño. Xa falarei do tema con mais profundidade noutro intre no que ande mais dasafogada, porque empregando a frase que mais utilizo ultimamente: Non dou feitooo!
Xuño 15, 2008 a 11:12 pm (Cousas miñas ..., Xeral)
Ahora si que estou que non dou feito! A menos dun mes do Mundo Celta e sen meigas en stock… chungoooo! A partir de pasado mañá toca traballar sen parar. Mañá non, mañá teño que ir a Lugo pola mañá así que aproveitarei para tirar unhas fotos por alí e pasear pola muralla, inda que disque vai chover pero bueno …
E teño novo bloguiño, inda que non hei abandoar este; son cousas distintas. Pero a partir de agora estarei tamén por aquí: http://fatiart.wordpress.com
¿E darame tempo para todo? jajaja
Xuño 14, 2008 a 4:41 pm (Fotografía, Xeral)
Tags: betanzos, o pasatempo
Eche ben certo que ó que non quere unha cunca de caldo dánselle dúas. Non había nin unha semana que fora a Carboeiro, e a min o de conducir ata Santiago desfaime. Pois onte de novo volvín ata alá porque me chamaron dunha tenda para facer pedido e con isto da folga dos transportistas decidin levalo eu mesma (ata o de aquela non pensei que a folga me fora a afectar o mais minimo jaja)
Pois xa de paso quixen aproveitar a volta e de regreso parei en Betanzos para pasear polo Pasatempo, que xa facía anos que non ía. Foi un gustazo porque estaba moi bo dia e como era a hora de xantar o parque estaba practicamente valeiro (en todo o recinto cruceime con so 5 persoas). Enchinme a sacar fotos e mais fotos, teño tantas, que dubidei cales ia poñer eiqui e ó final quedei con estas:
Un refuxio á sombra:
A entrada vista dende a ponte que une o parque novo co antigo:
Unha estatua moi sexy:
As covas:
Deseguro que do mais “afotado” do parque:
Co rei:
Tartarugas ó pil pil:
Cisnes, parrulo e oca:
Os parrulos tan colocadiños que case semellan de mentira:
Cunha rosa.
Foi moi agradable a visita ó parque, cansei de pinta-la mona na zona vella coas figuras dos camelos, o buzo, o leon …, paseino moi ben cos animaliños e desfrutando da paisaxe. Está todo moi coidado. Encantáronme as tartarugas gordas do estanque de Salomon e estiven un bo anaco ollando como tomaban o sol.
E quedei entusiasmada co parque biosaludable. É como un ximnasio ó aire libre. Os aparatos estaban xenial. Eu quero un en Pantín!!!
Xuño 11, 2008 a 1:30 pm (Cousas miñas ..., Fotografía)
Tags: ponte gundián, vedra, viaducto de san xoan da cova
Pois como avanzaba no post de Carboeiro, quixen aproveitar a viaxada para visitar a Ponte Gundián, non Concello de Vedra.
Facía moito tempo que tiña ganas de vela porque a teño atopado nalgúns folletos turísticos e chamábame a atención; e desta vez parei a botar un ollo.
Dei co lugar fácilmente porque a ponte xa se albisca dende a N-525, indo cara a Silleda queda á esquerda, indo cara a Santiago, pois á dereita. Está á altura de Ponteulla.
Gustoume esta vista do río Ulla e ese piñeiro.
Teño que voltar ó lugar porque había moito que ver por alí, pero ese día tan cedo (eran as 8 da mañá ou por ahí) facía un frío que non se aguantaba e deixei a visita á ermida e á beira do río para outra ocasión.
A néboa por riba da ponte. Detrás estaría o túnel.
O cartel do mirador que te recibe ó chegar:
Hai paneis explicativos no lugar, con rutas de sendeirismo, e un que fala sobre a ponte que conta con fotografías moi interesantes de cando se construíu, pero non colgo as fotos no blog porque algo haberá que deixar para que descubrades vós mesmos…
Xuño 9, 2008 a 1:37 am (Festivais e outros eventos ..., Vídeo)
Tags: carboeiro, encontros de musica tradicional, santa ferreña
Hoxe levo medio dia durmindo, estou mallada, pero pagou a pena ir. Gustoume moito o lugar onde se fai a festa, o ambiente, a comida, todo! Agardo poder voltar o ano que ven porque xa lle tomei o gusto, a pesar do petate de camiño ata chegar aló pero bueno jajaja
Sain moi cedo da casa porque quería aproveitar a volta para visitar a Ponte Gundián (ou viaducto de San Xoán da Cova) para tirar unhas fotos (xa poñerei algunha noutra entrada) e non sabía se daría co sitio á primeira, que esa zona contróloa pouco. Pero logo foi ben doado porque a ponte xa se ve dende a N-525 así que fun sobrada de tempo.
Entón cheguei moi cedo a Carboeiro e adiqueime a pasear polo entorno e sacar fotos. O lugar é impresionante. Xa estivera unha vez no mosteiro pero ia con presa e non me echagara ó rio. Onte desfrutei moito do paseo. Encantoume verme rodeada de fraga; que morea de carballos! (e que como son da zona do eucalipto …XD) Fun a primeira en montar o posto de artesanía así que escollin lugar.
Á sombriña jeje
Mándolles un saúdo ós da organización, en especial a dous rapaces que me levaron no coche cando baixaba a costa cara ó mosteiro, que o camiño en coche parece menos longo, pero a pé haiche unha boa tirada jajaja
Máis tarde coñecín á peculiar Santa Ferreña e vin a procesión. Encantoume.
Fíxome gracia o detalle dos billetes jaja. O certo é que o curran moito, hai que darlle-la noraboa ós que fan posible esta festa.
A comida estaba moi boa, especialmente o queixo do postre, esqueceume preguntar de onde o tran porque me gustou moito (e iso que eu non son moito de queixo!)
Gustoume moito o ambiente en xeral. Gústame ver pandereteiras, e habia abondas! novas e vellas e todas moi boas. Gaiteiros non faltaron, pero tamén se escoitaban acordeóns, frautas …
Paseino moi ben escoitando ó contacontos e quedei prendada da voz da rapaza dos cantos galegos-guaranís; por riba nun marco tan espectacular como o fermoso mosteiro de Carboeiro.
En fin… que o ano que ven hai que voltar!
Velahí deixo un video-resumo do que puiden ver ese día. Non me quedei á noite, outra vez será… Está moi comprimido e as imaxes non son moi boas (a parte que o grabei coa cámara de fotos jaja) porque coa miña conexión de caracol levaríame séculos rematar de subilo; pero penso que vos daredes idea do que é, e os que participan cada ano igual ata se recoñecen jaja
http://es.youtube.com/watch?v=IftSuBRWERo
Ahí deixo outro, do momento da voda, con album incluído jaja:
http://es.youtube.com/watch?v=YQSOkEg-LpY
Mañá ou pasado editarei esta entrada para incluir un video máis, desta vez cunha presentación de fotografías do entorno e da propia festa. Téñoo feito xa, pero botei medio día para subir os anteriores e a miña paciencia ten un límite jaja
E en vindeiros anos agardo voltar a desfrutar desta festa, algunha vez quedando uns días pola zona para desfrutar tamén das fermosas paisaxes do lugar, facer algo de sendeirismo e visitar moitos monumentos interesantes que sei que hai pola zona.
10.06.2008
Edito para incluir o enlace do vídeo prometido coas fotos do entorno do mosteiro de Carboeiro e algunhas dos IX Encontros de música tradicional:
