Son cousas miñas …

Non hai moitos días que me pai fixo un par de cestos.

Son os dous que saen na foto á esquerda.

O cesto da dereita tamén o fixo él, pero xa é máis vello.

Algún día tereille que dicir que me ensine …

Védelo na foto?

Algúns xa recoñecerían o lugar. É ó lado do faro de Estaca de Bares.

Quería ter unha foto co tronco desa árbore seca… misión imposible.

Chegou un señor nunha moto e aparcou detrás.

Eu, claro, agardando a que el marchara para que me sacaran a foto peeeero … o tipo nada que liscaba dalí e a min xa me daba rabia seguir agardando porque había xente á cola para sacar tamén fotos alí.

 E ó final, vinme coa foto do señor do casco colorado.

De toda a vida lembro unhas flores azuis no xardín da miña casa que me encantan. Saen cada ano, e sempre digo: “teño que garda-las sementes e plantalas nunha maceta para poder colocala onde queira”, pero ata o de agora nunca o fixen…

O caso é que non sei como se chaman e polo de agora non atopei información en Internet. Claro, sabendo o nome é fácil atopar unha foto da pranta, pero ó reves … jeje

Inda por riba a única foto que teño na que saen as flores e esta, e co que se ven quen me vai axudar a identificalas? jaja

Terei que agardar a que saian as flores de novo e tomarlles algunha foto.

De momento sigo buscando fotos de flores azuis en Internet por se de casualidade … jeje